Երկուշաբթի, Հուլիսի 14, 2025
Ազգ
Wildberries
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները
Ոչինչ չի գտնվել
Տեսնել բոլոր արդյունքները
Ազգ
Ոչինչ չի գտնվել
Տեսնել բոլոր արդյունքները

ԱՐՑԱԽ ՌՈՒՑ ԻՆՎԵՍԹՄԸՆՑ ՆՈՐ ՀԵՌԱՆԿԱՐՆԵՐՈՒ ՍԵՄԻՆ

23/03/2018
- 23 Մարտի, 2018, ԱԶԳ շաբաթաթերթ
Կիսվել ՖեյսբուքումԿիսվել ԹվիթերումՈւղարկել Տելեգրամով

Yerepouni-news.com

Արցախի բարգաւաճման առաքելութեամբ գործունէութիւն ծաւալող կազմակերպութիւններու մէջ իւրայատուկ տեղ կը գրաւէ ԱՌԻ ընկերութիւնը: Անոր ղեկավարութեան հեռատեսութիւնը, անդամներուն բծախնդրութիւնը, թափանցիկ գործունէութիւնը եւ ամենակարեւորըՙ արդիւնաւէտ աշխատանքը վարակիչ օրինակ կրնան ծառայել Հայաստանի եւ Արցախի բարգաւաճման համար ճամբայ ելած բոլոր կառոյցներուն եւ կազմակերպութիւններուն:

Արցախ Ռուց Ինվեսթմընց (Artsakh Roots Investments) ընկերութեան առաքելութիւնն է զարգացնել Արցախի հանրապետութեան Քաշաթաղի եւ Շահումեանի շրջաններուն մէջ գիւղատնտեսութիւնը եւ բնակարանաշինութիւնը:

Ի՞նչ է Արցախ Ռուց Ինվեսթմընցի (ԱՌԻ) յաջողութեան գաղտնիքը, որ փոխշահաւէտ պայմաններ կը ստեղծէ միաժամանակ ներդրողին եւ վարկերէն օգտուող արցախցիներունՙ անսակարկ նուիրում, ծրագրաւորում եւ հաւաքական աշխատանք:

Ակնարկ մը բաւարար է համոզուելու ԱՌԻ-ի հայրենաշէն աշխատանքին: Ինը տարիներ առաջ համեմատաբար համեստ պայմաններու տակ ստեղծուած բարեսիրական այս միաւորը այսօր արդարօրէն կը հպարտանայ իր բազմապատկուած բարերարներով, ներդրողներով եւ անդամներով: Միանգամայն յստակ են անոր ծրագիրները եւ թափանցիկ:

Երկուշաբթի, 12 մարտ 2018, երեկոյեան ժամը 7-ին, Լիբանանի ՀԲԸՄիութեան Տեմիրճեան կեդրոնի Ասպետներու սրահին մէջ, ի ներկայութիւն Արցախի հանրապետութեան վարչապետ Արա Յարութիւնեանի, Միջին Արեւելքի մէջ Արցախի ներկայացուցիչ Կարօ Քեպապճեանի, ԱՌԻ-ի վարչական խորհուրդի անդամներուն եւ բարեկամներուն տեղի ունեցաւ ԱՌԻ-ի բաժնետէրերու 8-րդ տարեկան ընդհանուր ժողովը:

ԱՌԻ-ի հոգաբարձութեան անդամ Վաչէ Մելքոնեան բարի գալուստ մաղթեց ներկաներուն: Ան դիտել տուաւ, թէ շնորհիւ բաժնետէրերու ներդրումներուն եւ ամրապնդուող վստահութեան, կ՛արդիւնաւորուի ԱՌԻ -ի աշխատանքը եւ տնտեսական աճ կ՛ապահովուի Արցախի մէջ:

ԱՌԻ-ի հոգաբարձութեան անդամ Գրիգոր Տաքեսեան ընդգծեց, սովետա-ազերիական ժամանակաշրջանին տնտեսապէս լքուած Արցախը այսօր արդէն իսկ կայուն եւ արագ զարգացող պետութիւն է: Արցախին մատուցուող օժանդակութիւններուն մէջ, 2009 թուականէն սկսեալ, Արցախ Ինվեսթմընց Ռուց զանազան ծրագիրներով կը սատարէ Արցախի տնտեսական զարգացման: Գրիգոր Տաքեսեան դիտել տուաւ, թե ապրիլեան քառօրեայ պատերազմը որեւէ ձեւով չէր խանգարած Արցախի պետութեան ստանձնած պարտաւորութիւնները: Այս գնահատելի իրողութիւնը ԱՌԻ-ի հոգաբարձուներու խորհուրդի անդամները մղեց մեկնելու Արցախ եւ պետութեան հետ քննարկելու նոր ծրագիրներ. «Այդ հանդիպումներուն ընթացքին, Արցախի հանրապետութեան նախագահ Բակօ Սահակեան բարձր գնահատեց ԱՌԻ-ի հայրենանուէր գործունէութիւնը, ակնկալելով ապագային շարունակել այդ գործակցութիւնը», ըսաւ Գրիգոր Տաքեսեան, աւելցնելով, որ ԱՌԻ-ի հոգաբարձութեան խորհուրդի անդամներ այցելած են Արաբական Միացեալ Էմիրութիւններ, իսկ ներկայիս կարգ մը անդամներ գործուղուած են Աւստրալիա, որոնց նաեւ պիտի միանայ Արցախի հանրապետութեան վարչապետ Արա Յարութիւնեանը: «Երեսուն տարի առաջ երբ սկսաւ Արցախեան շարժումը, ան երազ էր եւ հաւատք: Այսօրՙ ազատ եւ անկախ Արցախը իրականութիւն էՙ ի գին բազում զոհողութիւններու: Յառաջիկայ տարիՙ 2019-ին, ԱՌԻ-ի տասնամեակն է: Մեր փորձը մեզի կը դարձնէ աւելի ինքնավստահ եւ իրարմով գօտեպնդուած: Մեր ձայնը միացնելով պարոն Արա Յարութիւնեանին կ՛ըսենքՙ մեր հետագայ ծրագիրները նոյնպէս յաւակնոտ են: Մտադիր չենք բաւարարուելու ցարդ եղած ձեռքբերումներով: Շատ աւելի բարձր նշաձող դրած ենք մեր առջեւ», եզրակացուց Գրիգոր Տաքեսեան:

ԱՌԻ-ի հոգաբարձուներու խորհուրդի անդամ Վահան Գասարճեան ներկայացուց 2017 տարեշրջանի ընկերութեան աշխատանքը: Իր տուեալները աւելի հնչեղ դարձնելու նպատակով, ան տեսաերիզի վրայ նախ ծանօթացուց Քաշաթաղը եւ Շահումեանը, անոնց աշխարհագրական դիրքը: Քաշաթաղի շրջանը իր մէջ կ՛ընդգրկէ նախկին Լաչինի, Ղուբաթլուի, Զանգելանի շրջանները եւ Ջեբրայիլի շրջանի մէկ մասը: Սոյն տարածութիւնը արցախեան ինքնապաշտպանութեան ուժերու վերահսկողութեան տակ անցած է 1992-1993 թուականներուն: Քաշաթաղի շրջանը ունի աւելի քան 50 համայնք: Անոր վարչական կեդրոնը Բերձոր քաղաքն է, որուն մէջէն կ՛անցնի 1990-ական թուականներուն կառուցուած Գորիս-Ստեփանակերտ մայրուղին:

Վահան Գասարճեան յայտնեց, թէ 2009-էն մինչեւ օրս շուրջ եօթ միլիոն տոլար գնահատուող ԱՌԻ-ի ներդրումները լոկ տնտեսական ծրագիրներ չեն ծածկեր, այլեւ կը լուծեն ազգային հարցեր: Այս առիթով ան նշեց, թէ ապրիլեան քառօրեայ պատերազմի ընթացքին, Քաշաթաղի եւ Շահումեանի վերաբնակեցուած շրջաններէն հազար երիտասարդ մեկնած է ճակատ, յանուն հայրենիքի պաշտպանութեան:

Արագ ակնարկ մը կատարելով Վահան Գասարճեան յայտնեց նաեւ, թէ 2009 թուականին 16 անդամ հաշուող Արցախ Ռուց Ինվեսթմընց ընկերութիւնը այսօր կը հաշուէ 198 անդամ: Այս միջոցին կարելի եղած է 36 առ հարիւրի աճ գոյացնել Քաշաթաղի եւ Շահումեանի շրջաններուն մէջ:

ԱՌԻ-ի հոգաբարձուներու խորհուրդի անդամ Սիւզի Սեմերճեան համապարփակ ներկայացուց ընկերութեան նիւթական տեղեկագիրը եւ ընդհանուր հաշուեկշիռը: Յատկանշական է, որ ԱՌԻ-ն իր գործունէութիւնը սկսած է 300 հազար տոլար գումարով: Այսօր անոր դրամական շրջանառութիւնը կը հաշուէ 6, 7 միլիոն տոլար: Այս գումարին 4.900.000 տոլարըՙ գիւղատնտեսութեան հիմնադրամին (Ակրոֆոնտ) ծրագիրներուն մէջ, իսկ 1.800.000 տոլարըՙ ներդրումային հիմնադրամի գիւղաշինութեան ծրագիրի մէջ: Ան յայտնեց, թէ անցնող ութ տարիներուն ընթացքին ԱՌԻ ընկերութիւնը 1.151.300 տոլար արժողութեամբ տոկոս բաժնած է բաժնետէրերուն:

Իր սրտի խօսքը փոխանցեց Արցախի հանրապետութեան պետական նախարար Արա Յարութիւնեանը: Ան գոհունակութիւն յայտնեց ԱՌԻ-ի կատարած աշխատանքներէն, որոնք կ՛ընդգրկեն միլիոնաւոր տոլարի ներդրումներ: Վարչապետը ուրախութիւն յայտնեց, որ տարի առ տարի կ՛աւելնայ շահառուներու եւ բաժնետէրերու թիւը: Այս երեւոյթը կը վկայէ ծրագիրի արդիւնաւէտութիւնը եւ վստահելիութեան մակարդակը: Ան համոզում յայտնեց, որ ժամանակի ընթացքին աւելի շօշափելի ձեռքբերումներ կ՛արձանագրուին, թեւակոխելով զարգացման նոր հանգրուան: Ան մաղթեց, որ աւելնայ բաժնէտերերուն քանակը, ինչպէս նաեւ հայ իրականութեան մէջ աւելի տարածել եւ բացատրել ԱՌԻ-ի նուաճումները:

Արցախի պետական նախարարը յայտնեց, թէ «Հողը նրանն է, ով այնտեղ ապրում է» կարգախօսի տակ, Աղաւնոյ գետի ափին Առիաւանը կառուցած ԱՌԻ-ն ամբողջացուցած է 150 բնակարան հաշուող գիւղի առաջին մասը: 50 ընտանիք ստացած է նորակառոյց 50 բնակարան: Այժմ սկսած է բնակարաններու շինարարութեան երկրորդ մասը:

Արա Յարութիւնեան շնորհակալութիւն յայտնեց ԱՌԻ-ի բաժնետէրերուն, նուիրատուներուն եւ բարեկամներուն:

Արցախ Ռուց Ինվեսթմընցի հոգաբարձուներու խորհուրդը որոշած էր բնակարանաշինութեան երկրորդ մասը սկսիլ հինգ բնակարաններու պայմանագիրով: Ընդհանուր ժողովին ընթացքին այս թիւը բարձրացաւ քսանի, նկատի ունենալով շինարարական աշխատանքներուն մասնակցելու Արցախի կառավարութեան փափաքը:

Այս ուրախ առիթով, Արցախի պետական նախարար Արա Յարութիւնեան, ԱՌԻ-ի նախագահ Սուրէն Սարգիսեան եւ Արցախ Ֆոնտի ատենապետ Մելքոն Յակոբեան ստորագրեցին Առիաւանի մէջ քսան նոր բնակարաններ կառուցելու համաձայնագիրը:

Երեկոն աւարտեցաւ պատշաճ հիւրասիրութեամբ:

Յիրաւի, թափանցիկ, օրինակելի եւ տիպար աշխատանք:

ShareTweetShare
Նախորդ գրառումը

ԸՆԴՈՒՆԵԼՈՒԹԻՒՆ Ի ՊԱՏԻՒ ՆԱԽԱԳԱՀ ԲԱԿՕ ՍԱՀԱԿԵԱՆԻ ԵՒ…

Հաջորդ գրառումը

ՔԱՂԱՔԱԿԱՆ ՍԵՎ ԱՄՊԵ՞Ր ԵՆ ԿՈՒՏԱԿՎՈՒՄ ՀԱՅԱՍՏԱՆԻ ՎՐԱ

Համանման Հոդվածներ

11 հուլիսի, 2025

Տխմարություն է Եկեղեցու դեմ սուր ճոճելը

11/07/2025
11 հուլիսի, 2025

Նույն գետը՝ երկրորդ անգամ

11/07/2025
11 հուլիսի, 2025

«Հայաստանն ու Ադրբեջանը ունեն նույն նպատակը՝ դուրս մղել Ռուսաստանին Հարավային Կովկասից»

11/07/2025
11 հուլիսի, 2025

Հայաստանը՝ նաեւ իր դեմ ծրագրի մասնակի՞ց

11/07/2025
Հաջորդ գրառումը

ՔԱՂԱՔԱԿԱՆ ՍԵՎ ԱՄՊԵ՞Ր ԵՆ ԿՈՒՏԱԿՎՈՒՄ ՀԱՅԱՍՏԱՆԻ ՎՐԱ

Արխիվ

Երկ Երք Չրք Հնգ Ուր Շբթ Կիր
 123456
78910111213
14151617181920
21222324252627
28293031  

Վերջին լուրեր

Միջազգային

ԱՄՆ-ն ու ՆԱՏՕ-ն Ուկրաինային զենք կմատակարարեն՝ Եվրոպայի հաշվին

14/07/2025

ԱՄՆ-ն և ՆԱՏՕ-ն համաձայնության են եկել Ուկրաինային զենք մատակարարելու հարցում՝ Եվրոպայի հաշվին. ԱՄՆ նախագահ Դոնալդ Թրամփը հայտարարել է Սպիտակ տանը,...

ԿարդալDetails

Միացյալ Նահանգները առաջարկել է 100 տարով  վերահսկել Զանգեզուրի միջանցքը. դեսպան

14/07/2025

Գլխավոր դատախազությունը պահանջում է դեսպան Ավետ Ադոնցից անշարժ գույք և գումար բռնագանձել

14/07/2025

Այս փուլում «Արցախցիների իրավունքների պաշտպանության» խորհուրդը փողոցային պայքարը և նստացույցը դադարեցնում է. Ապրես Մարգարյան

14/07/2025

Արցախցիների 80 տոկոսն աղքատության շեմից ցածր վիճակում է. Բեգլարյան

14/07/2025
logo-white1
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։

©2024 «ԱԶԳ» վերլուծական

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

Ոչինչ չի գտնվել
Տեսնել բոլոր արդյունքները
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները

© 2025 «ԱԶԳ» վերլուծական