ՀԱՋՈՂ ՄՐՑԵԼՈՒՅԹՆԵՐ ՕԴԵՍԱՅՈՒՄ Բռնցքամարտի Հայաստանի հավաքականը հաջող ելույթներ ունեցավ Օդեսայում ավարտված միջազգային մրցաշարում: Հայաստանի 6 բռնցքամարտիկներից 4-ը դարձան մրցանակակիրներ: Բոլորից հաջող հանդես եկան Կարեն Տոնականյանը (60 կգ) եւ գերծանրքաշային Ռաֆայել Սիմոնյանը, որոնք հաղթելով իրենց բոլոր մրցակիցներին, արժանացան ոսկե մեդալների: 69 կգ քաշայինների մրցապայքարում Վահե Աբեթյանը դարձավ արծաթե մեդալակիր, իսկ 56 կգ քաշային կարգում Գառնիկ Հարությունյանը բրոնզե մեդալ նվաճեց: Թիմային հաշվարկով Հայաստանը դարձավ մրցաշարի հաղթող: Մրցաշարին մասնակցում էին նաեւ Ուկրաինայի, Ռուսաստանի, Անգլիայի, Իռլանդիայի, Ուզբեկստանի, Ղազախստանի, Կանադայի, Մոլդովայի, Ղրղզստանի եւ Ադրբեջանի ներկայացուցիչները: |
