Զանգվածային կիբեռհարձակումը խաթարել է Իրանում ավտոլցակայանների ցանցի գործունեությունը, հայտարարել է Իրանի կիբեռտարածության հարցերով գերագույն խորհրդի քարտուղար Աբոլհասսան Ֆիրուզաբադին:
«Հարձակումն այնքան զանգվածային էր, որ խաթարեց երկրի բոլոր 4300 ավտոլցակայանների աշխատանքը։ Հնարավոր է, որ այս հարձակումը, ինչպես Իրանի Իսլամական Հանրապետության երկաթուղիների վրա կիբեռհարձակումը, իրականացվել է արտերկրից», նրան մեջբերում է ՏԱՍՍ-ը։
Ֆիրուզաբադիի խոսքով՝ միջադեպի հետաքննության արդյունքները կհրապարակվեն 7-10 օրից։ Կիբեռհարձակման արդյունքում սարքավորումները չեն վնասվել, միայն դադարեցվել է սպառողների սպասարկումը։ Իրանցի փորձագետներին հաջողվել է արագ լուծել խնդիրը։
