ՆԱՏՕ-ի գլխավոր քարտուղար Յենս Ստոլտենբերգը ելույթ է ունեցել Բրյուսելում ՆԱՏՕ-ի պաշտպանության նախարարների երկօրյա հանդիպման արդյունքներով մամլո ասուլիսում։
«Ես անհամբերությամբ սպասում եմ ԵՄ-ՆԱՏՕ հարաբերությունների վերաբերյալ նոր հռչակագրին: Մենք պետք է միասնական մոտեցում ունենանք անվտանգության ապահովման հարցում: Ես ողջունում եմ ՆԱՏՕ-ի շրջանակներում պաշտպանության ոլորտում ԵՄ երկրների աճող ջանքերը, կոչ եմ անում ավելի շատ ներդրումներ կատարել, տրամադրել ավելի ժամանակակից ուժեր և միջոցներ: Սակայն այդ ջանքերը չպետք է կրկնօրինակեն ՆԱՏՕ-ի գործունեությունը, մեզ պետք են նոր ուժեր և միջոցներ, այլ ոչ թե նոր կառույցներ»,- ասել է նա։
Ստոլտենբերգն ընդգծել է, որ «ՆԱՏՕ-ի և ԵՄ-ի համագործակցության նոր առաջնահերթությունների թվում է պայքարը վնասակար տեխնոլոգիաների դեմ, կլիմայի փոփոխության ազդեցությունն անվտանգության վրա», հաղորդում է ՌԻԱ գործակալությունը։
