Ադրբեջանի նախագահ Իլհամ Ալիևը հայտարարել է, որ եթե Հայաստանը փոխանցի ականապատ դաշտերի ճշգրիտ քարտեզները, ապա Բաքուն դրան համարժեք պատասխան կտա.
«Մեր պահանջն է, որ Հայաստանը մեզ փոխանցի ականապատ դաշտերի ճշգրիտ քարտեզները: Այս քարտեզները պետք է նշեն ոչ թե ականապատ տարածքները, այլ ականների գտնվելու ճշգրիտ տեղերը, նրանք առանց այն էլ ամենուր ականներ են տեղադրել: Նրանք ունեն նման քարտեր: Եթե նրանք դա անեն, եթե նրանք ցուցաբերեն բարի կամք, մենք դրան համարժեք կերպով կարձագանքենք»,- ՏԱՍՍ-ի հաղորդմամբ, ասել է Ալիևը իտալական EFE տված հարցազրույցում։
Նա նշել է, որ խոսքը Բաքվի վերահսկողության տակ անցած տարածքներում տեղադրված հարյուր հազարավոր ականների մասին է.
«Երբ մենք պահանջեցինք ականապատ տարածքների քարտեզները, Հայաստանի կառավարությունը ամենաբարձր մակարդակով հայտարարեց, որ նման քարտեզներ չունեն: Նրա պատճառով, որ Հայաստանը մեզ չի տվել այս քարտեզները, պատերազմի ավարտից անցած գրեթե մեկ տարվա ընթացքում մեր զինվորականներից և խաղաղ բնակիչներից 150 -ը զոհվել են կամ ծանր վիրավորվել », – ասել է Ալիևը:
Աղբյուր` Փաստինֆո
