ԱՄՆ-ում ոստիկաններին արգելվել է օգտագործել խեղդելու տեխնիկան լուրջ սպառնալիքի բացակայության դեպքում
Միացյալ Նահանգների ոստիկաններն այլևս չեն կարողանա օգտագործել խեղդելու տեխնիկա այն իրավիճակներում, երբ կյանքին սպառնալիք կամ լուրջ վնասի սպառնալիք չկա իրավապահ մարմինների աշխատակցի կամ մեկ այլ անձի առողջությանը: Այս ոլորտում նոր քաղաքականության մասին հայտարարել է Միացյալ Նահանգների արդարադատության նախարարությունը:
Բացի դրանից, Արդարադատության նախարարությունն արգելել է ոստիկաններին մուտք գործել բնակելի տարածք՝ առանց ներկայանալու:
Խեղդելու տեխնիկան վերացնելու կոչերը սկսվեցին ԱՄՆ-ում այն բանից հետո, երբ Մինեսոտա նահանգի Մինեապոլիս քաղաքի ոստիկանները նման միջոց ձեռնարկեցին անցյալ տարվա մայիսին սևամորթ Ջորջ Ֆլոյդի ձերբակալման ժամանակ: Դրանից հետո Ֆլոյդը մահացավ հիվանդանոցում: Նրա մահը զանգվածային բողոքի ալիք բարձրացրեց ԱՄՆ-ում:
