«Թալիբան»-ի գրոհայինները անկանոն կրակոցներ են արձակել մի քանի քաղաքներում
«Թալիբան» շարժման գրոհայինները երեկ անկանոն կրակոցներ են արձակել Քաբուլում և այլ քաղաքներում՝ դրանով նշելով Փանջշեր նահանգի ամբողջական գրավումը, որի մասին հայտարարել էին արմատականները:
Տարածաշրջանում ազգային դիմադրության ներկայացուցիչները հերքել են արմատականների կողմից նահանգում ամբողջական վերահսկողություն սահմանելու մասին տեղեկությունները, գրում է ՏԱՍՍ-ը:
Իր հերթին, թալիբների ներկայացուցիչ Զաբիհուլլա Մուջահիդը շարժման գրոհայիններին իր թվիթերյան էջում կոչ է արել դադարեցնել կրակոցները Քաբուլում, քանի որ դա կարող է վնասել տեղի բնակչությանը:
