ԱՄՆ-ը չպետք է միջամտի Աֆղանստանի մշակույթին, հայտարարել է «Թալիբան» արմատական շարժման ներկայացուցիչ Մոհամմադ Սոհաիլ Շահինը:
Խոսքը կանանց իրավունքների հետագա ճակատագրի խնդրի մասին է: Շահինը նշել է, որ աֆղան կանայք աշխատանքի և կրթության հետ կապված խնդիրներ չեն ունենա, բայց միևնույն ժամանակ, կին բնակչությունը ստիպված կլինի հիջաբ կրել:
Ըստ Քաթարի քաղաքական գրասենյակի խոսնակի, Արևմուտքի՝ հիջաբի պահանջից հրաժարվելու կոչերը կարող են դիտվել որպես Աֆղանստանի մշակույթը փոխելու փորձ:
«Մենք չենք փորձում փոխել ձեր (ամերիկյան) մշակույթը, և դուք չպետք է փոխեք մեր մշակույթը: Մենք պետք է կենտրոնանանք իրար հետ դրական և կառուցողական ձևով աշխատելու վրա, ինչը բխում է երկու կողմերի շահերից», – Fox News-ին ասել է Քաբուլի ներկայացուցիչը:
