Ադրբեջանը, Իրանը, Ռուսաստանն ու Ղազախստանը զորավարժություններ կանցկացնեն Կասպից ծովում
Ռուսաստանի, Ադրբեջանի, Իրանի և Ղազախստանի Միջազգային բանակային խաղեր – 2021-ի «Ծովի գավաթ» մրցույթի մասնակիցները միջոցառման ավարտից հետո համատեղ զորավարժություններ կանցկացնեն Կասպից ծովում: Այս մասին հայտնում է Իզվեստիան: Միջոցառումների հիմնական նպատակը փոխգործողության մշակումն է:
Իրանում առաջին անգամ անցկացվել է «Ծովի գավաթ» մրցույթը: Դրան մասնակցում են Ռուսաստանի, Ադրբեջանի, Ղազախստանի և Իրանի ռազմածովային ուժերի փոքր հրթիռային և հրետանային նավեր:
