Աֆղանստանից ամերիկյան զորքերի դուրսբերումը վկայում է ԱՄՆ-ի անհաջողության մասին և նոր էջ է բացում աֆղան ժողովրդի պատմության մեջ: Այս մասին այսօր ճեպազրույցի ժամանակ հայտարարել է Չինաստանի ԱԳՆ պաշտոնական ներկայացուցիչ Վան Վենբինը:
«ԱՄՆ-ն դուրս բերեց իր զորքերը Աֆղանստանից: Սա վկայում է ԱՄՆ-ի քաղաքականության անխուսափելի ձախողման մասին, որը միջամտում է այլ պետությունների գործերին, նրանց պարտադրում իր արժեքներն ու սեփական հասարակական համակարգը», – նրա խոսքերը մեջբերում է Իզվեստիան:
Միևնույն ժամանակ, դիվանագետը նշել է, որ «եկել է Աֆղանստանի խաղաղ վերականգնման նոր փուլ»:
