Թուրքիան մտադիր չէ ստեղծել աֆղանների միգրացիոն կենտրոն և նրանց ապաստան տրամադրել, հանրապետության արտաքին գործերի նախարար Մևլութ Չավուշօղլուն հայտարարել է Habertürk հեռուստաալիքով հեռարձակվող մամուլի ասուլիսի ժամանակ:
«Մենք ավելի վաղ հայտարարել էինք, որ Թուրքիայում մենք վիզաներ չենք տրամադրի այդ նպատակով [Աֆղանստանի քաղաքացիներին ապաստան տրամադրելու համար]: Այս թեմայով բոլոր լրատվամիջոցների հրապարակումները իրականությանը չեն համապատասխանում», ասել է նա:
Այսպիսով, արտգործնախարարը մեկնաբանել է ավելի վաղ բրիտանական ԶԼՄ-ներում հայտնված տվյալները ապաստան հայցող աֆղանների համար Թուրքիայում առանձին կենտրոն բացելու ենթադրյալ ծրագրերը:
«Եթե մենք որևէ երկրից ստանանք նման առաջարկ, կմերժենք այն: Մենք արդեն խոսել ենք այդ մասին: Մինչ օրս մենք Աֆղանստանից տարհանել ենք 1404 մարդու: Նրանցից 1061-ը մեր քաղաքացիներն են, մնացածը` այլ պետությունների քաղաքացիներ: Հիմա Աֆղանստանում կա մոտ 200 թուրք, ովքեր ցանկանում են վերադառնալ», ասել է Չավուշօղլուն:
