Ռուսաստանում համաճարակի տնտեսական հետևանքները հիմնականում հաղթահարվել են: Այս մասին Ռուսաստանի նախագահ Վլադիմիր Պուտինը հայտարարել է Ասիա-Խաղաղօվկիանոսյան տնտեսական համագործակցության ֆորումի ղեկավարների առցանց հանդիպման ժամանակ, հայտնում է news.ru-ն:
«Կարելի է ասել, որ, ընդհանուր առմամբ, համաճարակի հետևանքները հաղթահարվել են: Տնտեսությունը հիմնականում վերականգնվել է», ասել է Պուտինը: Նա հավելել է, որ Ռուսաստանի ձեռնարկած միջոցները թույլ են տալիս նրան ընթացիկ տարում վստահաբար անցնել ցուցանիշների աճին:
Ռուսաստանի ղեկավարը նշել է, որ այս հաջողությունը հնարավոր է դարձել մի շարք միջոցառումների իրականացման շնորհիվ՝ ուղղված բնակչության եկամուտների և զբաղվածության պահպանմանը, բիզնեսի աջակցմանը, կորուստների կրճատմանը և առավել տուժած արդյունաբերություններին օգնություն ցուցաբերելուն: Պուտինի խոսքով, Ռուսաստանը պատրաստ է կիսվել իր հակաճգնաժամային մշակումներով:
