Եվրո-2020-ի 1/8 եզրափակչում մրցեցին Շվեդիայի և Ուկրաինայի հավաքականները։ Ուկրաինայի հավաքականը լրացուցիչ ժամանակի ավելացված առաջին րոպեին խփած գոլի շնորհիվ դուրս հաղթահարեց մրցակցի արգելքը։
Հանդիպման հիմնական ժամանակն ավարտվել է 1։1 հաշվով։ Երկու գոլերն էլ գրանցվել են առաջին խաղակեսում։ 27-րդ րոպեին Ալեքսանդր Զինչենկոն բացել է հաշիվը, իսկ 43-րդ րոպեին Էմիլ Ֆորսբերգը հավասարեցրել է այն։
Հանդիպումը շարունակվել է լրացուցիչ ժամանակում։ Բեկումնային եղավ 98-րդ րոպեն. շվեդ ֆուտբոլիստ Դանիելսոնը Արտյոմ Բեսեդինի ոտքին շատ կոպիտ հարված հասցնելու համար կարմիր քարտ ստացավ։ Ուկրաինայի ընտրանին թվային առավելություն ստանալուց հետո տիրեց նախաձեռնությունը։ Ուկրաինացիները փորձում էին ամեն ինչ վճռել լրացուցիչ ժամանակի ընթացքում և դա ստացվեց. ավելացված առաջին րոպեին Ալեքսանդր Զինչենկոյի փոխանցումից հետո փոխարինման մտած Արտյոմ Դովբիկը դարձավ գոլի հեղինակ՝ հաղթանակ պարգևելով իր հավաքականին։
Այսպիսով, Անդրեյ Շևչենկոյի գխավորած Ուկրաինայի հավաքականը հիանալի հաղթանակի շնորհիվ դուրս է գալիս Եվրո-2020-ի 1/4 եզրափակիչ, որտեղ մրցակիցը Անգլիայի ընտրանին է։
