Թուրքիան Վրաստանը համարում է տարածաշրջանային համագործակցության բանալին և պատրաստակամություն է հայտնում աջակցել ցանկացած եռակողմ ձևաչափին, այդ թվում ՝ Վրաստան-Ադրբեջան-Հայաստան ձևաչափին: Այս մասին Անկարայում Վրաստանի վարչապետ Իրակլի Ղարիբաշվիլիի հետ բանակցություններից հետո կայացած մամուլի ասուլիսում հայտարարել է Թուրքիայի նախագահ Ռեջեփ Թայիփ Էրդողանը. հաղորդում է ՏԱՍՍ-ը:
«Մենք հավատում ենք, որ կկարողանանք իրականացնել տարբեր աշխատանքներ, որոնք կամրապնդեն և կբարձրացնեն կարևորությունն ու խաղաղությունը մեր տարածաշրջանում: Վերոնշյալի շրջանակներում շատ կարևոր է Ադրբեջանի հետ եռակողմ համագործակցությունը: Մենք՝ Թուրքիան, աջակցում ենք ցանկացած եռակողմ համագործակցությանը լինի դա Վրաստան – Ադրբեջան – Հայաստան կամ Վրաստան – Ադրբեջան – Թուրքիա», – ասել է Էրդողանը:
Նա նաև հայտարարել է, որ որոշում է կայացվել գերագույն ռազմավարական խորհուրդ անցկացնել Վրաստանի մասնակցությամբ սեղմ ժամկետներում:
Իր հերթին, Վրաստանի վարչապետը հույս է հայտնել, որ երկու հանրապետություններն էլ ավելի համատեղ ծրագրեր կկարողանան իրականացնել և խորացնել համագործակցությունը: Ղարիբաշվիլին Էրդողանին հրավիրել է Թբիլիսի:
