Սա համառորեն գնում է այնտեղ, որտեղ հրապարակային լաչառությունն է և ստորությունը, բայց ոչ երբեք պետություն կառուցելու իրական մղումը: Այս մասին իր ֆեյսբուքյան էջում գրել է ԱՀ ՊԲ նախկին խոսնակ Սենոր Հասրաթյանը:
«…Հունիսի 18-ին Լևոն Տեր-Պետրոսյանին և Ռոբերտ Քոչարյանին հրավիրում եմ ուղիղ բանավեճի և այդ ժամանակ ամեն ինչ լավ կերևա: Փակ դահլիճներում հեշտ է տղամարդլամիշ լինելը: Կգաք, դեմ դիմաց կկանգնենք ու կխոսենք և բացատրություն կտաք…»,– սա ասում է Հայոց պատմության մեջ իր դավաճանական ու ստոր արարքներով երևի թե հավասարը չունեցած ազգադավը: Սա ասում է խաղաղ պետականաշինության և իրական մարտադաշտում «տղամարդլամիշ» եղած ու երկիրը կործանման եզրին հասցրած անհայրենիքը… Սա ասում է նա, ով չկարողանալով երեք տարվա ընթացքում կատարել իր տված խոստումներից գոնե մեկը, տակավին փորձում է իր իսկ կողմից բազմիցս անգամ արդեն խաբված քաղաքացուն, նորից ու կրկին տանել ոչ մի տեղ տանող ճանապարհով… Սա համառորեն գնում է այնտեղ, որտեղ հրապարակային լաչառությունն է և ստորությունը, բայց ոչ երբեք պետություն կառուցելու իրական մղումը… Սա, իրոք, չափ ու սահման կորցրած արարածի մեկն է, որին կարելի է խղճալ, սակայն չպետք է ներել …»,- գրել է նա:
Նշենք, որ այսօր Լոռու մարզ կատարած այցի ժամանակ Նիկոլ Փաշինյանը Արցախի հարցով բանավեճի էր հրավիրեկ ՀՀ 1-ին եւ 2-րդ նախագահներին:
