Ռուսաստանը դատապարտում է Գազայի հատվածից հրթիռային հարձակումները Իսրայելում բնակելի տարածքների վրա և Պաղեստինում քաղաքացիական օբյեկտների վրա հարձակումները: Այս մասին երկուշաբթի օրը լրագրողների հետ հանդիպման ժամանակ հայտարարել է Ռուսաստանի արտգործնախարար Սերգեյ Լավրովը:
«Մենք դատապարտում ենք Գազայի հատվածից բնակելի շրջաններին հասցվող հարվածները, և, իհարկե, Պաղեստինի տարածքում քաղաքացիական օբյեկտների դեմ հարվածները լիովին անընդունելի են։ Կարծում եմ, որ արդեն բավական կոչեր են եղել այս իրավիճակի շուտափույթ դադարեցման և բանակցությունների մեկնարկի վերաբերյալ», ասել է Լավրովը:
Սերգեյ Լավրովը նշել է, որ Պաղեստինի և Իսրայելի միջև հակամարտության կարգավորումն այժմ կախված է հակամարտության կողմերի բարի կամքից: Ռուսաստանը կանի ամեն ինչ Պաղեստինին ու Իսրայելին օգնելու համար համաձայնության գալ`հանդարտեցնելու հակամարտության թեժ փուլը, հավելել է Լավրովը:
