Մենք երեք տարվա ընթացքում կառուցել ենք այնքան ճանապարհ, ինչքան նախորդ 7 տարիների ընթացքում չի կառուցվել. ԱԺ-ում ասաց ՀՀ վարչապետի պաշտոնակատար Նիկոլ Փաշինյանը։
«Մեր իշխանությունից որևէ մեկն այդ ճանապարհների կառուցման արդյունքում միլիոնատեր չի դարձել։ Մենք ճանապարհներ կառուցեցինք, բայց միլիոնատեր չդարձանք, որովհետև ճանապարհներ կառուցում ենք ոչ թե ասֆալտ գողանալու, այլ մարդկանց ծառայելու համար։ Այսօր Հայաստանում տասնյակ գյուղեր կան, որոնք 80-ականներից այս կողմ անցանելի ճանապարհ չեն ունեցել։ Խորհրդային միության ժամանակներից մանկապարտեզ չեն ունեցել։ Այս ընթացքում 200 մանկապարտեզ ենք կառուցել կամ վերակառուցել, և երբեք չենք մտածել, թե այս մի բանի համար ինչքան ձայն ենք ստանալու, որովհետև դա արել ենք մարդու համար»,-ասաց Փաշինյանը:
