Խորհրդարանը երկրորդ ընթերցմամբ և ամբողջությամբ արտահերթ նիստում ընդունեց Ընտրական օրենսգիրք սահմանադրական օրենքում փոփոխություններ կատարելու նախագիծը, որով անցում է կատարվելու ամբողջությամբ համամասնական ընտրակարգին:
Նախագծի հիմնական զեկուցող Վահագն Հովակիմյանն իր խոսքում նշեց, որ առաջինից երկրորդ ընթերցում նախագիծը լրամշակվել է, հանվել են համավարակի պայմաններում ընտրությունների անցկացման փոփոխությունները: Հովակիմյանի ներկայացմամբ` նախագահի աշխատակազմից տեղեկացրել են, որ կորոնավիրուսի կարգավորման փոփոխությունների հարցում խնդիրներ են տեսնում, ուստի իրենք այդ կարգավորումներից հրաժարվել են:
Նախագիծն ընդունվեց 82 կողմ ձայնով: Եւ այսպես` սպասվող արտահերթ խորհրդարանական ընտրությունները կանցկացվեն ամբողջությամբ համամասնական ընտրակարգով:
