Սենատոր Ալեքսեյ Պուշկովը ֆրանսիացի մեկնաբան Քրիստիան Մալարին տված հարցազրույցում ասել է, որ կա նոր սառը պատերազմի սպառնալիք ԱՄՆ նախագահ Ջո Բայդենի քաղաքականության պատճառով:
«Նոր Սառը պատերազմի վտանգն իսկապես գոյություն ունի: Այն կսկսվի, եթե Բայդենը մոռանա, որ Միացյալ Նահանգները չի կարող հաղթել Ռուսաստանին: Նրանք պետք է ընդունեն այդ փաստը», ասել է Պուշկովը i24news հեռուստաալիքի եթերում:
Նա ավելացրել է, որ ամերիկյան կողմը պետք է շարժվի դեպի Ռուսաստանի հետ արդյունավետ փոխգործակցություն: Դա առաջին հերթին վերաբերում է գլոբալ խնդիրներին, ինչպիսին է, օրինակ, միջուկային անվտանգությունը:
