Արցախի փրկարար ծառայության ջոկատները մարտի 18-ին անհետ կորած և զոհված զինծառայողների որոնողական աշխատանքներ են իրականացնում Ջրականի (Ջեբրայիլ) շրջանում։ Այս մասին «Արմենպրես»-ի հետ զրույցում տեղեկացրեց Արցախի ՆԳՆ տեղեկատվության և հասարակայնության հետ կապերի բաժնի պետ Հունան Թադևոսյանը:
Հադրութի շրջանում մարտի 16-ին իրականացված որոնողական աշխատանքներն արդյունք չեն տվել, քանի որ այդ շրջանում դեռևս առկա է ձյան հաստ շերտ։
Ադրբեջանի վերահսկողության տակ անցած տարածքներից մինչև այսօր հայտնաբերվել է 1502 աճյուն։
«Արմենպրես»
