Մեդիափորձագետ Տիգրան Քոչարյանը «Փաստինֆո»-ի եթերում ասել է․
Նիկոլը մտածված, ծրագրված և հետևողականորեն փչացնում է հարաբերությունները ՌԴ-ի հետ, և իր վերջին Իսկանդերի մասին ուղղակի անհեթեթ հայտարարությունը հենց այդ սերիայից է: Նույնիսկ հարցազրույցի օրը պատահական չէր ընտրված` փետրվարի 23, որը ՌԴ -ում նշվում է որպես հայրենիքի պաշտպանի օր։ Միգուցե ինչ -որ ազդակներ է Փաշինյանը ստացել արևմուտքից, որ սկսի հակառուսական գրոհը, որովհետև մերձփաշինյանական շրջանակներն արդեն ՌԴ-ին են մեղադրում նրանում, ինչ տեղի ունեցավ Արցախի հետ և պնդում, թե տեղի ունեցածը ռուս-թուրքական համաձայնագրի հետևանք էր, ըստ որի Արցախը պետք էր կիսել, ինչն էլ արեցին:
«Ի վերջո, չմոռանանք, որ և Փաշինյանի, և նրա մերձավորների մեջ վաղուց է նստած հակառուսականությունը», – նշել է բանախոսը եւ ավելացրել. «Փաշինյանի Իսկանդերի մասին հայտարարությունը մեծ կասկածի տակ դրեց ռուսական հսկայական ռազմարդյունաբերության արդյունավետությունը, և սա ցույց է տալիս մեկ բան, որ նրան արևմուտքից ստիպում են անել քայլեր, որոնք ինքը խոստացել էր և Փաշինյանը հիմա ցուգցվանգի առջև է», – նշել է նա։
