Ռոբերտ Քոչարյանը և նրա որդին ձերբակալվել են, խուզարկվում է նաև «Պռեգոմեշ» ընկերությունը
Իրավապահները այս պահին ներխուժել են նաև Լևոն Քոչարյանի կնոջ՝ երգչուհի Սիրուշոյին պատկանող «Պռեգոմեշ» ընկերություն և կատարում են խուզարկություններ:
Փաստաբան Ալեքսանդր Կոչուբաևն այս պահին գնում է «Պռեգոմեշ» ընկերություն (Սիրուշոյի զարդերի խանութը)` ընկերության շահերը պաշտպանելու, իսկ Էրիկ Ալեքսանյանը կշարունակի մնալ պատգամավոր Լևոն Քոչարյանի տանը, որտեղ դեռ խուզարկությունը շարունակվում է։
Հիշեցնենք, որ Ռոբերտ Քոչարյանը և որդին` Սեդրակ Քոչարյանը, ձերբակալվել են: Առավոտյան 07:00-ի սահմաններում իրավապահները ներխուժել են ԱԺ պատգամավոր Լևոն Քոչարյանի տուն: Այդ մասին գրել և տեսանյութ էր հրապարակել ԱԺ պատգամավոր Մեսրոպ Մանուկյանը:
Կոռուպցիոն բնույթի հանցագործությունների դեպքերով քննվող քրեական վարույթի շրջանակում մի քանի տասնյակ հասցեներում կատարվում են խուզարկություններ և վարութային այլ գործողություններ, հայտնել էր Հակակոռուպցիոն կոմիտեն:
