Ոչ ոք Իսլամական Հանրապետությանը գործարք կնքելու ավելի մեծ հնարավորություն չի տվել, քան ես. Դոնալդ Թրամփ

ԱՄՆ նախագահ Դոնալդ Թրամփը Truth Social-ում գրում է.

«Ոչ ոք Իսլամական Հանրապետությանը գործարք կնքելու ավելի մեծ հնարավորություն չի տվել, քան ես։ Ի դժբախտություն նրանց, նրանք չկարողացան օգտվել այդ հնարավորությունից։ Հետևաբար, այսօր հայտարարում եմ երբևէ որևէ երկրի դեմ իրականացված ամենակործանարար տնտեսական գործողության մասին։ Սա կլինի աննախադեպ մասշտաբի տնտեսական պատերազմ և մեկուսացում։

Նրանց նավատորմը վերացված է, ռազմաօդային ուժերը՝ ոչնչացված, ռազմական գործարաններն այժմ ավերակների են վերածվել, արժույթը՝ անարժեք, իսկ երկիրը կախված է մեկ թելից։

Այսօր նաև հայտարարում եմ, որ ցանկացած երկիր, որը թույլ կտա իր ֆինանսական հաստատություններին, բիզնեսներին, օդանավակայաններին կամ պետական կառույցներին որևէ տեսակի կենսական աջակցություն տրամադրել Իրանին, ինքն էլ կբախվի ՀՍԿԱՅԱԿԱՆ տնտեսական հետևանքների։

Նավթի մաքսանենգությունը, սվոփային գծերը, կանխիկ դրամական փոխանցումները, փոխանակման կետերը, նավերի գրանցումները, ձևական ընկերությունները՝ այս ամենը պետք է ՀԻՄԱ դադարեցվի։ Դուք գիտեք՝ ում մասին է խոսքը։

Սա կլինի տնտեսական D-Day, և մեզ անհրաժեշտ է, որ մեր բոլոր դաշնակիցները կանգնեն Ամերիկայի Միացյալ Նահանգների կողքին՝ մեկուսացնելու և պարտության մատնելու Իրանի սպառնալիքը։

Այս մոլագարները ծանր վիճակում են, և այս ՊԱՏՄԱԿԱՆ միջոցները կաթվածահար կանեն նրանց ու աշխարհում ահաբեկչություն տարածելու նրանց կարողությունը։

ԻՐԱՆԸ ԵՐԲԵՔ ՉԻ ՈՒՆԵՆԱ ՄԻՋՈՒԿԱՅԻՆ ԶԵՆՔ։

Շնորհակալություն այս հարցի նկատմամբ ձեր ուշադրության համար։»։

https://truthsocial.com/@realDonaldTrump/117124650907675461/embed