Ամերիկյան բանակին տրամադրվող ցանկացած օգնություն կդիտարկվի որպես համագործակցություն ԱՄՆ զինված ուժերի հետ. Իրանի ԶՈՒ գլխավոր շտաբի պետ
Իրանի զինված ուժերի գլխավոր շտաբի պետ, գեներալ-մայոր Ալի Աբդուլլահին նախազգուշացում է հղել Պարսից ծոցի երկրներին։
Նա ասել է, որ Պարսից ծոցի հարավային ափին գտնվող երկրները, որոնք ասում են, թե թույլ չեն տա ԱՄՆ-ին օգտագործել իրենց տարածքը Իրանի դեմ, պետք է իմանան, որ Թեհրանի ուշադրությունից ոչինչ չի վրիպում։
«Մասնավորապես, քիչ հավանական է թվում, որ ռազմական տանկերի այդքան մեծ քանակություն օդում կլիներ առանց ընդունող երկրների իմացության», – հավելել է նա։
Գլխավոր շտաբի պետը նշել է, որ ամերիկյան բանակին տրամադրվող ցանկացած օգնություն կդիտարկվի որպես համագործակցություն ԱՄՆ զինված ուժերի հետ և մասնակցություն նրանց գործողություններին։
