Մալուխագծի վթարի իրական պատճառները պարզելու համար կիրականացվի ներքին հետաքննություն․ Ռոմանոս Պետրոսյան
«Երեկոյան Կենտրոն վարչական շրջանի Պապ Թագավորի փողոցում ՀԷՑ-ի բաշխման ցանցի մալուխագծի վթարի իրական պատճառները պարզելու համար, այն է՝ սպառման բեռի կտրուկ բարձրացումից զատ, նաև օգտագործված մալուխի և իրականացված աշխատանքի որակի, օգտագործված կցորդիչի որակի, ինչպես նաև ՏԻՄ կոմունալ ծառայությունների կամ այլ շին.աշխատանքների կատարման ընթացքում հնարավոր ֆիզիկական ներգործության հավանականությունն ու դրանց հնարավոր ազդեցությունը վթարի առաջացման վրա, կիրականացվի ներքին հետաքննություն։
Սահմանված կարգով մեր ահազանգով ներգրավվել է նաև ՆԳՆ Փրկարար ծառայությունը»,- գրում է ՀԷՑ ժամանակավոր կառավարիչ Ռոմանոս Պետրոսյանը։
Նա տեղեկացրել էր, որ հերթապահ ստորաբաժանումներն իրականացնում են վթարավերականգնողական աշխատանքներ։
Հիշեցնենք, որ Երևանի Կենտրոն վարչական շրջանի Պապ Թագավորի փողոցում ստորգետնյա մալուխի վթար է եղել։
