Նիկոլական բռնաճնշումները, հալածանքները և ֆիզիկական հաշվեհարդարի սպառնալիքները Հայաստանի այսօրվա իրականությունն են, և մարդիկ, որոնք չեն խոսում այս իրականության մասին, կա՛մ անկեղծության խնդիրունեն, կա՛մ խիզախության, որովհետև հրաժարվում են տեսնել այդ օբյեկտիվ իրականությունը։ Քաղաքական հալածյալների իրավունքների հարցերով հանձնաժողովի ասուլիսի ժամանակ նման տեսակետ հայտնեց ԱԺ պատգամավոր Աննա Մկրտչյանը։
«Որքան էլ տարօրինակ թվա՝ նիկոլական իշխանազավթումը և ՀՀ քաղաքացիների նկատմամբ բռնաճնշումների կիրառումն ունեցել են զարգացման փուլեր։ Սկզբում դրանք քաղարկված էին և ձևակերպվում էին իբրև հանրային պահանջ։ Հիմա ուղիղ եթերում ուղղակի հրահանգավորումները, հաշվեհարդարների սպառնալիքները նպատակ ունեն լռեցնելու ազատ խոսքը։
Այս 8 տարիների ընթացքում ՀՀ-ում այլևս քաղաքական սպանությունների էջը բացված է Նիկոլի համար, որովհետև մարդիկ, որոնք ունեցել են քաղաքական այլակարծություն, այլևս մեզ հետ չեն, սպանվել են բանտում կամ իրենց համայնքում հաղթանակ տոնելուց հետո։
Այս ժամանակագրությունը մեզ թույլ է տալիս հասկանալու, որ նիկոլական իշխանությունների մեթոդներն ու եղանակները փոխվել են, բայց բռնաճնշումների նպատակը մնացել է մեկը. իր հոգին փառավորվում է այն ժամանակ, երբ կան ՀՀ քաղաքացիների ոտնահարված իրավունքներ ուն ազատություններ»,- ասաց Աննա Մկրտչյանը։
