Իրավապահները գործում են իրենց լիազորությունների շրջանակներում. Կառավարության նիստից հետո, լրագրողների հետ զրույցում հայտարարեց Նիկոլ Փաշինյանը՝ անդրադառնալով Գագիկ Ծառուկյանին կալանավորելու մասին։
«Հայաստանը գործում է իր լիազորությունների շրջանակում, այդ թվում՝ հայ ժողովրդի տված մանդատի շրջանակում։ Ես եմ կրում դրա քաղաքական պատասխանատվությունը, որովհետև ժողովուրդն ինձ վրա է դրել այդ քաղաքական պատասխանատվությունը Մարդիկ ուզում են Հայաստանում տեսնել արդարություն և արդարադատություն, և պետք է տեսնեն։ Նոր սահմանադրությունը փորձ է արվում ներքին և արտաքին ուժերի կողմից նենգափոխել։ Պատերազմի եռագլուխ կուսակցությունն անձնական մարդիկ ունեն դատարաններում նշանակած»,- ասաց նա։
Փաշինյանն ասաց, թե նախընտրական իր խոստումները կհամարի իրականացված, եթե, ինչպես խոստացել է, թալանվածը մինչև վերջ հետ բերվի։
«Ու տակը մնա այն, ինչին ձեզ հայտնի շրջանակներն արժանի են, այդ ժամանակ կհամարեմ, որ իմ նախընտրական խոստումը կատարված է, կհամարեմ, որ խոստումը կատարված է այն ժամանակ, երբ մարտի 1-ի գործով պատասխանատուները ենթարկվեն պատասխանատվության, խարդախությամբ ու քցելով հարստություն կուտակածները ենթարկվեն պատասխանատվության, հիմա չեմ համարում, որ իմ նախընտրական խոստումները կատարված են»,- ասաց նա։
