Դա ընդունելի չի, բայց մյուս կողմից ես դրա պատճառահետևանքային կապերը գիտեմ, այսօր տեղի ունեցած ճեպազրույցի ժամանակ ասաց Նիկոլ Փաշինյանը՝ անդրադառնալով Ադրբեջանի Օրդուբադ քաղաքում անցկացված «Վերադարձ Արևմտյան Ադրբեջան» 3-րդ փառատոն-համաժողովին։
«Նույն կերպ ընդունելի չի Ղարաբաղի շարժումը շարունակելու փորձերը Հայաստանի Հանրապետությունում։ Պետք է դադարեցվի երկկողմ. Հայաստանում էլ պետք է դադարեցվի Ղարաբաղի շարժումը շարունակելու փորձերը։
Իներցիան մեր մեջ 30 տարի պտտվել է։ Նույնիսկ իմ խոսույթի մեջ երբեմն իներցիայով օգտագործում եմ բառակապակցություններ, որոնք այդ տրամաբանությունից բացարձակ դուրս են և չարամիտ ընկալման դեպքում կարելի է դա ընկալել որպես երկակի խաղ»,- ասաց նա։
