Հանրության վրա «ստած» ունենալու «նուրբ արվեստը»:
Նիկոլ Փաշինյանը կառավարության նիստում հայտարարում է, թե՝ այն քաղաքներում, ոտեղ տեղի իշխանությունը գնացել է կառավարության հետ չգործակցելու ճանապարհով, կան ճանապարհայինն ոսերի լուրջ խնդիրներ: Ու գիտե՞ք նաեւ որ քաղաքն է մատնանշում: Այո՝ նաեւ Երեւանը:
2023 թվականից Երեւանի քաղաքապետ է ՔՊ անդամ Տիգրան Ավինյանը: Քաղաքային ընտրությունից մեկ օր առաջ Նիկոլ Փաշինյանը հայտարարում էր, թե դա «անկախության ընտրություն» է, այն ելույթում, երբ ինչ որ «բորդյուր կամ ասֆալտ լիզելու» մասին էր բղավում:
Փաստացի, արդեն երեք տարի է, որ Երեւանի քաղաքապետ է ՔՊ ներկայացուցիչ, որը կարծես թե խնդիր չունի կառավարության, անձամբ Փաշինյանի հետ: Բայց երեւանցիները փողոցների որակի հետ կապված՝ մեղմ ասած խնդիրներ ունեն: Ընդ որում, հաճախ խնդիրները լինելու են իբրեւ թե ասֆալտապատելուց կամ փոսալցնելուց ընդամենը օրեր անց, ես էլ չեմ ասում շաբաթներ կկամ ամիսներ, ես էլ չեմ ասում առաջին իսկ անձրեւից հետո, եւ այլն:
Թե՞ Նիկոլ Փաշինյանը «նուրբ արվեստով» ոչ թե «ստած ունի» հանրության վրա, այլ նրբորեն ակնարկում է, որ Տիգրան Ավինյանի հետ ունի խնդիրներ: Այլ կերպ ասած, նրա ակնարկը ոչ թե այն է, թե Հայկ Մարությանն էր վատը՝ որը քաղաքապետ էր չորս տարի առաջ, այլ Տիգրան Ավինյանը:
Համենայն դեպս, տրամաբանությանը մոտ կարող է լինել հենց դա, այլապես մյուս իմաստը՝ թե Մարությանն էր այսօրվա փոսերի մեղավորը, չափազանց հեռու կլինի ոչ միայն տրամաբանությունից, այլ նաեւ բարոյականությունից:
Հակոբ Բադալյան, քաղաքական վերլուծաբան
