Ադրբեջանի ԱԳՆ-ն դատապարտել է Նյու Յորքի քաղաքապետ Զոհրան Մամադանիի հայտարարությունը շինծու «հայերի ցեղասպանության» մասին. հայտնում է Ադրբեջանի արտաքին գործերի նախարարությունը։
Ինչպես հաղորդում է APA-ն, այս մասին «X»-ին հայտնել է Ադրբեջանի արտաքին գործերի նախարարության մամուլի քարտուղար Այհան Հաջիզադեն
Ադրբեջանի արտաքին գործերի նախարարության մամուլի քարտուղար Այհան Հաջիզադեն «X»-ում գրել է, որ հասարակական գործիչները պետք է պատասխանատու գործեն, զերծ մնան ապատեղեկատվություն տարածելուց և նպաստեն հաշտեցմանը՝ քաղաքական դրդապատճառներով և պատմականորեն կեղծ հայտարարություններով բաժանումները խորացնելու փոխարեն։
«Մենք մերժում ենք Ձեր սադրիչ հայտարարությունը։ Նման հայտարարությունները ցույց են տալիս տարածաշրջանի պատմության և իրականության անհասկանալիությունը և քաղաքական նպատակներով խեղաթյուրում են փաստերը։
2020 թվականին Ադրբեջանը գործել է իր միջազգայնորեն ճանաչված ինքնիշխան տարածքներում՝ համաձայն միջազգային իրավունքի և ՄԱԿ-ի Անվտանգության խորհրդի բանաձևերի։ 2023 թվականին իրականացված հակաահաբեկչական միջոցառումները հանգեցրին Ադրբեջանի սահմանադրական կարգի վերականգնմանը՝ 30 տարվա անօրինական օկուպացիայից հետո։ «Վտարման» մասին պնդումները անտեսում են այն փաստը, որ հայ բնակիչներին առաջարկվել է վերաինտեգրում, լիակատար հավասարություն և անվտանգության երաշխիքներ։ Հատկապես մտահոգիչ է, որ ընտրված պաշտոնյան, անտեսելով օկուպացիայի ընթացքում հարյուր հազարավոր ադրբեջանցիների դեմ կատարված էթնիկ զտումներն ու կոտորածները, ինչպես նաև մշակութային և կրոնական ժառանգության ոչնչացումը, խթանում է միակողմանի պատմություններ։ Նման անպատասխանատու հայտարարություններն անընդունելի են և պետք է անհապաղ հեռացվեն», – ընդգծեց Արտաքին գործերի նախարարության ներկայացուցիչը։
Նշենք, որ Նյու Յորքի քաղաքապետ Զոհրան Մամադանին սոցցանցի իր էջում դատապարտել է 111 տարի առաջ իրականացված Հայոց ցեղասպանությունը՝ նշելով, որ թուրքերի կատարած ոճրի շարունակությունն իրականացրել են ադրբեջանցիները՝ հարձակվելով 100 հազար արցախցիների վրա ու նրանց վտարելով Արցախից։
