Քպ-ն Վաղարշապատում կստանա 19 մանդատ, «Հաղթանակ» դաշինքը՝ 12, «Մայր Հայաստան» կուսակցությունը՝ 2 մանդատ
Կենտրոնական ընտրական հանձնաժողովն ամփոփել է Վաղարշապատ խոշորացված համայնքում տեղի ունեցած ավագանու ընտրությունների վերջնական արդյունքները։
ԿԸՀ-ն հայտնել է, որ քվեարկության արդյունքներով Վաղարշապատ խոշորացված համայնքի ավագանիում ներկայացված կլինի երեք քաղաքական ուժ՝ «Քաղաքացիական պայմանագիր» կուսակցությունը, «Հաղթանակ» դաշինքը և «Մայր Հայաստան» կուսակցությունը։
ՀՀ-ում իշխող «Քաղաքացիական պայմանագիր» կուսակցությունը ավագանիում կունենա 19 մանդատ, «Հաղթանակ» դաշինքը՝ 12 մանդատ, իսկ «Մայր Հայաստան» կուսակցությունը՝ 2 մանդատ։
Վաղարշապատ խոշորացված համայնքում ավագանու ընտրությունները տեղի էին ունեցել նոյեմբերի 16-ին։
Քվեարկության վերջնական արդյունքները՝ ստորև․
«ՀԱՂԹԱՆԱԿ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ՝ 10051 քվե
«ՀԱՄԱՀԱՅԿԱԿԱՆ ՃԱԿԱՏ» ԿՈՒՍԱԿՑՈՒԹՅՈՒՆ՝ 295 քվե
«ՀԱՆՐԱՊԵՏՈՒԹՅՈՒՆ» ԿՈՒՍԱԿՑՈՒԹՅՈՒՆ՝ 1241 քվե
«ՄԱՅՐ ՀԱՅԱՍՏԱՆ» ԱԶԳԱՅԻՆ-ԴԵՄՈԿՐԱՏԱԿԱՆ ԿՈՒՍԱԿՑՈՒԹՅՈՒՆ՝ 1692 քվե
«ԱԶԱՏ ԴԵՄՈԿՐԱՏՆԵՐ» ԿՈՒՍԱԿՑՈՒԹՅՈՒՆ՝ 1177 քվե
«ԺԱՌԱՆԳՈՒԹՅՈՒՆ» ԿՈՒՍԱԿՑՈՒԹՅՈՒՆ՝440 քվե
«ՔԱՂԱՔԱՑԻԱԿԱՆ ՊԱՅՄԱՆԱԳԻՐ» ԿՈՒՍԱԿՑՈՒԹՅՈՒՆ՝ 15298 քվե
«ՀԱՅՐԵՆԻՔ» ԿՈՒՍԱԿՑՈՒԹՅՈՒՆ՝ 1193 քվե։
