Ադրբեջանի ԱԳՆ-ի ներկայացուցիչ Այհան Հաջիզադեն հայ ժողովրդին տեղեկացրեց մեզ սպասվող մեկ այլ խնդրի՝ անկլավների հարցի մասին։
Ձեզ հայտնի է, որ Ադրբեջանի պահանջած անկլավները ռազմավարական նշանակություն ունեն Հայաստանի ճանապարհային համակարգի համար։ Եվ այստեղ կա ուղիղ կապ մի քանի օր առաջ Ալիևի հնչեցրած հայտարարության՝ «հայերը չպետք է վախենան ադրբեջանցիների վերադարձից» և Ադրբեջանի ԱԳՆ ներկայացուցչի բարձրացրած հարցի միջև։
2026-ի ընտրություններից առաջ նրանք փաստացի նախապատրաստում են ՀՀ քաղաքացիներին այն իրադարձություններին, որոնք կարող են տեղի ունենալ գործող իշխանության վերընտրվելու դեպքում։ Ու այդ ժամանակ ոչ ոք չի կարող ասել, թե ինքը տեղյակ չէր։
Ադրբեջանը հիմա բացահայտ ներկայացնում է այն արհավիրքների ցանկը՝ նոր Սահմանադրություն ընդունելը, Արարատ լեռան պատկերը զինանշանի վրայից հեռացնելը, հարյուր հազարավոր ադրբեջանցիների բնակեցումը Հայաստանում, որոնք մեզ կարող են սպասել մոտ ապագայում։
Այդ ցանկում, ինչպես նշեց Այհան Հաջիզադեն, ներառված է նաև անկլավների հանձնումը։
Էդմոն Մարուքյան, քաղաքական գործիչ
