Մայր Աթոռի Արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանին երեկ երեկոյան ժամը ՀՀ քննչական կոմիտե են հրավիրել ու հարցաքննել։
Հարցաքննության ժամանակ Նաթան Սրբազանն ասել է, որ անօրինական ձեռք բերված խոսակցության հետ կապված ինքն ասելիք չունի։
«Համացանցում տարածված ձայնագրության վերաբերյալ ստացված հաղորդման առթիվ նախաձեռնված քրեական վարույթի նախաքննության ընթացքում անձը հարցաքննվել է»,- ասաց ՔԿ մամուլի քարտուղար Կիմա Ավդալյանը։
Քննչական կոմիտեից հայտնել են, որ համացանցում տարածված ձայնագրության վերաբերյալ ստացված հաղորդման առթիվ նախաձեռնված քրեական վարույթի նախաքննության ընթացքում Նաթան արքեպիսկոպոս Հովհաննիսյանը հարցաքննվել է։
Հիշեցնենք, որ համացանցում ձայնագրություն էր տարածվել, որում լսելի էր Նաթան արքեպիսկոպոս Հովհաննիսյանի և Հայր Աղան Երնջակյանի հեռախոսազրույցը, որի ընթացքում եկեղեցականները քննարկում էին հոգևոր ծառայության նշանակմանը վերաբերող հարցեր։
Ըստ ձայնագրության՝ Հայր Աղանը դիմել է Վեհափառ Հայրապետին՝ իրեն կարգալույծ հռչակելու խնդրանքով։
