Քիչ առաջ Շենգավիթի դատարանից ԱԱԾ-ն բերման է ենթարկել փաստաբան Ալեքսանդր Կոչուբաևին:
Իրավապաշտպաններն ահազանգում են՝ Կոչուբաևին ուղղակի առևանգել են՝ չհայտնելով, թե ուր են տանում։
Ենթադրվում է, որ պատճառը նրա ֆեյսբուքյան գրառումն է։
Նա գրել է.
«Վիժվածքներ
Հոգին սատանային վաճառած քննիչներ, դատախազներ, դատավորներ, ձեր պատիժը երկնային է լինելու, աղոթում եմ Տիրոջը՝ ձեզ չների, և պատիժը քավեք սերունդներով։
Մկրտիչ Սրբազանը ծառայությունը կշարունակի ԿԿԲ պադվալում, բայց դուք ոնց շատ տղա կայիք, էդ ձև էլ մնացիք։
Հ.գ. Ու չհամարձակվեք ասեք տուն ենք պահում, ես էլ էի տուն պահում, երբ 2018 թվականին սատանաների ավազակավորջը եկավ իշխանության, ես էլ սպա էի ու ուսադիրը սրանց վրա շպրտելը եղել է կյանքիս ամենաբարդ որոշումը, բայց տուն պահել կարելի է արդար քրտինքով, ոչ թե ձեր պես աշխատավարձ ծծելով։
Հ.գ.գ. ավագ գործընկերներիցս մեկը ասում է՝ օգտագործված պահպանակը վերջում նետում են աղբամանը, խորհեք սրա շուրջ։
Զորակցությունս Սրբազան հորը»։
Փաստաբան Դավիթ Թումասյանը նկատել է.
Ալեքսանդր Կոչուբարևի ձերբակալությունը ենթադրաբար նրա վերջին գրառման՝ խոսքի սուր և կոշտ լինելն է: Այն, որ նրա խոսքը վիրավորական էր՝ ակնհայտ է, սակայն վիրավորանքը ՀՀ-ում ապաքրեականացված է:
Ավելին, նրա գրվածն անվանական ու անհատական չէ և եթե անձինք իրենց են տեսնում այդ տողերի տակ, դա նշանակում է, որ իրենց խիղճն է իրենց տանջում, որ նման խոսույթը վերագրում են իրենց
