Փաշինյանի՝ հատկապես վերջին ժամանակների ու առավել ևս՝ վերջին օրերի պահվածքի, հրապարակումների, բանավոր ելույթների, խոնարհում-ծնրադրումների, անհեթեթ մեղադրանքների ու պատմական խեղաթյուրումների վերաբերյալ մասնագիտական տարբեր շրջանակները ոչ միայն անիմաստ ապշած ու տարակուսած են, այլև բարձրաձայնում են երկիրն անելանելի դրության մեջ գցելու իրողության մասին։
Երկրի ղեկավարի բարոյահոգեբանական վիճակը ոչ միայն հուսադրող չէ, այլև վտանգավոր է։
Փաստաբան Վահան Հովհաննիսյանը նկատում է.
ՀՀ-ում կամ ՀՀ-ից դուրս կա արդյոք որևէ հոգեբան կամ հոգեբույժ, որը կարդալով վարչապետի աթոռը զբաղեցնող անձի այսօրվա գրառումները կհամարձակվի փաստել, որ նա ադեկվատ է, չի տառապում հոգեկան որևէ հիվանդությամբ։
Քրեական գործերով մասնագիտացած իրավաբան եմ, 25 տարի շարունակ հարյուրավոր փորձաքննություններ եմ վերլուծել և կարող եմ փաստել, որ փորձաքննվողները մեղսունակ կամ սահմանափակ մեղսունակ են ճանաչվել շատ ավելի ադեկվատ վարքագծի դեպքում։
