Հոկտեմբերի 10-ին կհայտարարվի Նոբելյան մրցանակների, այդ թվում՝ խաղաղության մրցանակի 2025 թ.ի դափնեկիրների անունները։ Սակայն մինչ այդ, արդեն երեկ, պարզ դարձավ, որ այդ ցուցակում չի լինի Մ. Նահանգների նախագահի՝ Դոնալդ Թրամփի անունը, հակառակ փաստին, որ հօգուտ նրա թեկնածությանը, ինչպես հայտնի է, միջնորդել էին Իլհամ Ալիեւը եւ Նիկոլ Փաշինյանը օգոստոսի 8-ին Վաշինգտոնում, Ձվաձեւ գրասենյակում, Թրամփին շողոքորթելիս, քծնելիս, չխաղաղության պայմանագիր ստորագրելիս, խունջիկ-մունջիկ եկող նախագահին հայտնելով իրենց այդ նախաձեռնության մասին։
Հանձնաժողովի ներկայացուցիչը մեկ ամիս առաջ հայտարարեց, սառը ջուր թափելով Թրամփին քծնողների գլխին, որ նա արժանի չէ այդ մրցանակին, որովհետեւ.
- Թրամփը առիթը չի կորցնում հայտարարելու, որ Վլադիմիր Պուտինը իր ընկերն է,
- Թրամփին չի հաջողել, արդեն 3 տարի, խաղաղության սեղանի շուրջ բերել Ռուսաստանի եւ Ուկրաինայի ղեկավարներին,
- Թրամփին ոչինչ չի հաջողվել անել Գազայում պաղեստինցի ժողովրդի՝ արդեն 2 տարի շարունակվող արյունալի սպանդին, որը, մյուս կողմից, երեկ, ՄԱԿ-ի համապատասխան հանձնաժողովի ատենապետ Նավի Փիլայը բնորոշեց որպես ցեղասպանություն։
- Այսպիսով, վստահ կարող ենք լինել, որ Նոբելյան մրցանակի հանձնաժողովը բլեֆների չի հավատում. ո՛չ Թրամփի, որը ձգտում է արժանանալ Օբամայի փառքին՝ առանց խաղարարար լինելու, ո՛չ Իլհամին, որը կաշառքով, նավթային խաբեբայությամբ ու զինու ուժով ձգտում է հարցեր լուծել եւ ո՛չ Նիկոլի ստախոսություններին։ Վերջինը կարող է խաղաղության կարգախոսներ օգտագործելով խաբել իր ժողովրդին, բայց ոչ՝ Նոբելյան հանձնաժողովին։
Հ.Ա.
