Ռուսաստանի նախագահ Վլադիմիր Պուտինը պահանջել է, որ Ուկրաինան հրաժարվի Դոնբասից, դադարեցնի ՆԱՏՕ-ին անդամակցելու իր նկրտումները, պահպանի չեզոքություն և թույլ չտա արևմտյան զորքերի տեղակայում իր տարածքում. հաղորդում է Reuters-ը ՝ հղում անելով Կրեմլի իր աղբյուրներին։
Գործակալությունը նշում է, որ Ուկրաինայի կառավարությունը մերժում է այս պայմանները՝ դրանք համարելով կապիտուլյացիային համարժեք։
Աղբյուրները հավելել են, որ նոր առաջարկության մեջ Պուտինը շարունակում է հավատարիմ մնալ իր նախկին պահանջին՝ Ուկրաինայի զինված ուժերի լիակատար դուրսբերման վերաբերյալ Դոնբասի Ուկրաինայի կողմից վերահսկվող տարածքներից: Դրա դիմաց Մոսկվան պատրաստ է դադարեցնել ռազմական գործողությունները Զապորոժիեի և Խերսոնի մարզերում:
Աղբյուրների համաձայն, հնարավոր գործարքի շրջանակներում Մոսկվան պատրաստ է նաև վերադարձնել Խարկովի, Սումիի և Դնեպրոպետրովսկի մարզերի իր վերահսկողության տակ գտնվող մասերը։
Պուտինը նաև պնդում է իր նախկին պահանջները՝ Ուկրաինայի դուրս գալը ՆԱՏՕ-ի անդամակցությունից, դաշինքի ոչ արևելյան ընդլայնման վերաբերյալ իրավաբանորեն պարտավորեցնող համաձայնագիր, ուկրաինական բանակի թվաքանակի սահմանափակում և արևմտյան զորքերի տեղակայման արգելք Ուկրաինայի տարածքում՝ որպես խաղաղապահ ուժերի մաս։
