Նիկոլ Փաշինյանի գլխավորած կառավարությունն այսօր՝ օգոստոսի 21-ին, անցկացնում է իր հերթական նիստը: Նիստի օրակարգում ընդգրկված է 37 հարց, որոնցից 33-ը չզեկուցվող է, 3-ը՝ զեկուցվող, 1-ը՝ գաղտնի։
Նշենք, որ նիստը վարում է վարչապետ Նիկոլ Փաշինյանը։
Օրակարգում են, մասնավորապես, հետևյալ հարցերը.
Որպես նվիրատվություն գույք ընդունելու, Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին ամրացնելու և «Վեոլիա Ջուր» փակ բաժնետիրական ընկերությանը վարձակալության հանձնելու մասին,
Միջազգային ճանապարհային ցանցի մաս հանդիսացող Հայաստանի Հանրապետության ընդհանուր օգտագործման պետական ավտոմոբիլային ճանապարհների և դրանց մաս հանդիսացող թունելների ցանկը հաստատելու մասին
«Կլիմայի մասին» օրենքի նախագծի և հարակից նախագծերի փաթեթի վերաբերյալ» օրենքների նախագծերին հավանություն տալու մասին,
Երկաթուղու պաշտպանական գոտու չափերը սահմանելու մասին,
«Մարդու իրավունքների պաշտպանի մասին» սահմանադրական օրենքում փոփոխություններ և լրացումներ կատարելու մասին» Հայաստանի Հանրապետության օրենքի նախագծի վերաբերյալ Հայաստանի Հանրապետության կառավարության առաջարկության մասին և այլ հարցեր։
