Լեռնային Ղարաբաղում հայազգի ականավոր գործիչների և զինվորականների 25 հուշարձանների և կիսանդրիների քանդումն անպատվաբեր արարք է. ասել է ՌԴ նախագահի միջազգային մշակութային համագործակցության հարցերով ներկայացուցիչ Միխայիլ Շվիդկոյը. հայտնում է ՏԱՍՍ-ը։
«Հուշարձանների դեմ պատերազմը լավագույն զբաղմունքը չէ ցանկացած երկրի համար։ Դրանք արտացոլում են այս երկրի վրա ապրող ժողովուրդների պատմությունը։ Դա նույնքան անհեթեթ է, որքան 90-ականներին Ադրբեջանի մշակույթի գործիչների հուշարձանների ոչնչացումը։ Հուշարձանների դեմ պայքարելն ամենաազնիվ գործը չէ, բայց շատ կարևոր է հասկանալ, որ Ռուսաստանի և Կովկասի ժողովուրդների հարաբերությունները դարավոր պատմություն են, և մենք կապված ենք ոչ միայն այսօրվա, այլև անցյալի և ապագայի հետ։
Եվ միջպետական հարաբերություններից բացի, կան նաև ժողովրդի միջև հարաբերություններ, որոնք ավելի խորքային են։ Եվ այսօր կարեւոր է պահպանել բոլոր մշակութային շփումները, որոնք մեզ կապում էին մեր կողքին ապրող բոլոր ժողովուրդների հետ»,-ասել է Շվիդկոյը։
