…Երկու ժամ հետո դադարեց բաբախել Փարաջանովի սիրտը
Այսօր Սերգեյ Փարաջանովի հիշատակի օրն է:
Փարաջանովի թանգարանի հիմնադիր-տնօրեն, երջանկահիշատակ լուսանկարիչ Զավեն Սարգսյանը պատմել է.
«Հուլիսի 20-ին Փարաջանովը անգիտակից վիճակում փոխադրվեց Երևան՝ Հանրապետական հիվանդանոց:
Երեկոյան Գ. Դավիդովի և Գ. Զաքոյանի հետ գնացինք տեսակցության:
Նա պառկած էր՝ աչքերը փակ: Իսկ սարքավորումները ցույց էին տալիս արյան ճնշումը և երակազարկը:
Երբ որոշեցինք գնալ, խնամող բուժքույրը մոտեցավ մեզ և իմանալով, որ մենք Փարաջանովի մտերիմներն ենք, ասաց. «Իմ բազմամյա աշխատանքի ընթացքում առաջին անգամն եմ հանդիպում նման երեւույթի, երբ անգիտակից վիճակում պառկած հիվանդին մոտենում են նրա մտերիմները, փոխվում են նրա արյան ճնշման և երակազարկի ցուցանիշները»։
Երկու ժամ հետո դադարեց բաբախել Փարաջանովի սիրտը»:
«Սեփական հուղարկավորության նմանակումը»․ Լուսանկարի հեղինակ՝ Զավեն Սարգսյան, 1981 թվական
