Տեխաս նահանգի Քեր շրջանում տեղի ունեցած ուժեղ ջրհեղեղի հետևանքով զոհվել է առնվազն 43 մարդ, այդ թվում՝ 15 երեխա, հայտնել են շրջանի պաշտոնյաները: Զոհված մեծահասակներից հինգի և երեք երեխաների ինքնությունը դեռ պարզված չէ: Նահանգային պաշտոնյաները վախենում են, որ զոհերի թիվը կարող է աճել: Ամառային ճամբարում գտնվող քսանյոթ աղջիկներ դեռևս անհետ կորած են համարվում:
Մինչ օրս 850 մարդ փրկվել կամ տարհանվել է անվնաս, ևս ութը վնասվածքներ է ստացել, շաբաթ երեկոյան մամուլի ասուլիսում ասել է շրջանի շերիֆ Լարի Լիտան։
Տեխասի մի քանի շրջաններում հայտարարվել է արտակարգ դրություն, բազմաթիվ ճանապարհներ ավերվել են, իսկ հեռախոսագծերը՝ անջատվել։
Փրկարար ծառայությունը հայտնել է, որ ամպրոպն առաջացնում է ժամում 4-6 դյույմ [100-150 մմ] չափազանց ուժեղ տեղումներ։
Տեղական իշխանությունները կոչ են անում աղետի գոտու անմիջական հարևանությամբ գտնվող մարդկանց ապաստան գտնել բարձրադիր վայրերում, իսկ բոլոր նրանց, ովքեր դեռ ժամանակ ունեն, կարող են անհապաղ տարհանվել։
«Մենք գործ ունենք արտակարգ և ծայրահեղ իրավիճակի հետ», – ասվում է նախազգուշական հայտարարության մեջ։
