Բաքվի օդանավակայանում վայրէջք են կատարել ՀՀ քաղաքացիներ, իսկ «Զվարթնոցում»՝ ադրբեջանցիներ

Իրանի Իսլամական Հանրապետության և հարակից որոշ երկրների օդային տարածքների փակմամբ պայմանավորված՝ մի շարք միջազգային ավիաթռիչքներ հարկադրված վայրէջքներ են կատարել «Զվարթնոց» միջազգային օդանավակայանում և տարածաշրջանի այլ երկրների օդանավակայաններում։

Այս հանգամանքի բերումով ՀՀ քաղաքացիներ և ազգությամբ հայեր հայտնվել են Ադրբեջանի մայրաքաղաք Բաքվի օդանավակայանում։ Միևնույն ժամանակ, նույն իրավիճակով պայմանավորված, Ադրբեջանի քաղաքացիներ հայտնվել են «Զվարթնոց» օդանավակայանում։

Ստեղծված իրավիճակով պայմանավորված՝ ՀՀ պետական կառույցները իրականացնում են հետևողական աշխատանք. հայտնում են ՀՀ ԱԱԾ-ից։