Քաղաքագետ Վլադիմիր Մարտիրոսյանը ևս ընդվզում է Փաշինյանի եկեղեցահալած ու կաթողիկոսահալած քաղաքականության դեմ։ Կոչ անելով այսօր՝ կեսգիշերին, լինել «Զվարթնոց» օդանավակայանում ու դիմավորել Արաբական Միացյալ Էմիրություններից Հայաստան վերադարձող Գարեգին Երկրորդ Ամենայան Հայոց Կաթողիկոսին՝ նա գրել է.
Եթե գոնե նմուշի համար մեկ ՔՊ-ական գիտի, թե ինչ է նշանակում «կուսակրոն» և չգիտի, թե ինչ է նշանակում «հակաթոռ», թող առաջինը «քար նետի» Աժ նախագահի ու ՀՀ վարչապետի վրա:
Հատկապես առաջինի վրա թքել պետք չի, թող քար նետի, իսկ երկրորդի վրա в принципе երկուսն էլ, եթե իհարկե գիտի, թե ինչ է նշանակում «հակաթոռ»:
Մինչև Գարեգին Բ-ն չավարտի իր երկրային կյանքն ու հոգևոր ծառայությունը, որպես Ամենայն Հայոց Կաթողիկոս (Աստված երկար տարիների կյանք տա) յուրաքանչյուրը, ով քպ-ական նախաձեռնությամբ կհավակնի այդ աթոռին կամ կհայտնվի այդ աթոռին, կոչվելու է «հակաթոռ»:
Ավելին՝ «Քպ-ի հակաթոռ» և ոչ այլ կերպ: Իմիջիայլոց, հակաթոռ կաթողիկոսությունները պատմության մեջ բնադրվել և հովանավորվել են թշնամական դրսից և որպես կանոն՝ մեկ նպատակով՝ քանդել միասնական Հայ Առաքելական Եկեղեցին և պառակտել հայ հավատավոր ժողովրդին, ուստի և հեշտ իշխել նրանց վրա:
Վստահաբար, «Կամ իմ մարդը կլինի կաթողիկոս, կամ Հայաստանը կաթողիկոս չի ունենա»-ն չի անցնելու: Սա այլևս այդ դեպքը չէ:
