Սահմանների սահմանազատման գործընթացը տեղում կանգնած չի մնում. Հայաստանի և Ադրբեջանի փոխվարչապետերի մակարդակով աշխատանքային խմբերը կապի մեջ են և շարունակում են աշխատել, որպեսզի առաջ շարժվենք։ Այսօր լրագրողների հետ զրույցում ասաց ՀՀ անվտանգության խորհրդի քարտուղար Արմեն Գրիգորյանը։
Նաընդգծեց, որ սահմանազատվել է 12,7 կիլոմետր սահման, որտեղ տեղակայված են սահմանապահ զորքեր, եւ վերջին հինգ տարվա ընթացքում այս հատվածներում գրանցվել է ընդամենը մեկ միջադեպ։
«Մենք Ադրբեջանի հետ աշխատում ենք սահմանազատումը շարունակելու ուղղությամբ՝ սահմանային զորքեր տեղակայելու եւ այլ տարածքներում նույնպես կայունություն հաստատելու համար»,- ավելացրեց Արմեն Գրիգորյանը։
Նա պարզաբանեց, որ, համաձայն վերջին պայմանավորվածության՝ սահմանազատումը շարունակվելու է Հայաստանի, Վրաստանի և Ադրբեջանի սահմանակետից «մի փոքր ներքև» հատվածից։
