Իրանի արտգործնախարարության խոսնակը հայտնել է, որ Իրանի և ԱՄՆ-ի միջև անուղղակի բանակցությունների չորրորդ փուլը տեղի կունենա շաբաթ օրը՝ մայիսի 3-ին. հայտնում է IRNA-ն։
Այսօր ԶԼՄ-ների ներկայացուցիչների հետ մամուլի ասուլիսում Էսմայիլ Բագայը ցավակցություն է հայտնել Իրանի ժողովրդին, Հորմոզգան նահանգի բնակիչներին և Շահիդ Ռաջայի նավահանգստում տեղի ունեցած միջադեպի կապակցությամբ զոհվածների ընտանիքներին։ Նա նաև շնորհակալություն է հայտնել այն երկրներին, որոնք կարեկցել են և օգնություն առաջարկել, հատկապես Ռուսաստանի կառավարությանը։
Իրանի արտգործնախարարության պաշտոնական ներկայացուցիչը IRNA-ի թղթակցի հետ հարցազրույցում հայտարարել է Իրանի և ԱՄՆ-ի միջև բանակցությունների չորրորդ փուլն անցկացնելու պլանների մասին։
Նրա խոսքով՝ հաջորդ փուլը նախատեսված է շաբաթ օրը՝ մայիսի 3-ին, սակայն ժամանակի եւ տեղի վերաբերյալ վերջնական որոշումը կկայացվի երեք կողմերի՝ Իրանի, ԱՄՆ-ի եւ Օմանի համաձայնությամբ։
