Իրավապաշտպան Ռուբեն Մելիքյանը գրում է. «ԱԺ ընդդիմադիր պատգամավոր, Գյումրու քաղաքապետի թեկնածու Մարտուն Գրիգորյանի ընտանիքի ձերբակալված անդամների՝ հոր ու որդու նկատմամբ դեռ երեկ դատարան էր ներկայացվել վարչական հսկողության միջնորդություն։ Այսինքն նույնիսկ քննչական մարմինն անհրաժեշտ չէր համարել նրանց անազատության շարունակումը։
Հիմա՝ հարց։ Ինչու՞ նրանք անմիջապես ազատ չեն արձակվել։ Օրենքը շատ հստակ է. երբ վերանում է անազատության անհրաժեշտությունը, ապա ազատությունից զրկված անձը պետք է անմիջապես ազատ արձակվի։ Ինչու՞ Մարտուն Գրիգորյանի հայրն ու որդին ազատ չեն արձակվել։ Պատասխան. որովհետև այս գործընթացը ծայրից ծայր քաղաքական է և նպատակ է հետապնդում հնարավորինս մեծ ցավ պատճառել Մարտունի ընտանիքին, այդ թվում՝ անչափահաս թոռներին (ձերբակալված որդու զավակներին)։
Հ.Գ.
Երբ իմացա, որ իմ հասակակից Մարտուն Գրիգորյանն արդեն թոռներ ունի (Աստված պահի), մի տեսակ՝ սկսեցի ինձ ծեր ու թոշակառու զգալ»։
