Առավոտյան ՀՀ Քննչական կոմիտե -ից էին մեզ հյուր եկել…երևի հոգեվարքի մեջ են` Ռոբերտ Քոչարյանի ասուլիսի ֆոնին, փորձում են սպառնալ և ահաբեկել արցախցիներին, հերթը հասել է ինձ…Մեկ տարի առաջ դիմացի բնակարանից սառնարան են գողացել (մոտավոր 15000 դրամ արժողությամբ), հավանաբար գործը հասել է Հրազդանի քննչական կոմիտե, քննիչ ոմն Սմբատ Սմբատյանն էլ մեր տուն է հասել։ Դե բարով ես եկել, տղա ջան։ Առավոտյան տան մաքրության աշխատանքներով էի զբաղված, մազերս էլ չէի հարդարել, մայրս ու հայրս զրուցեցին քննիչի հետ։ Ուզում էր լուսանկարել ծնողներիս, նրանք թույլ չտվեցին։
Հայրս ասաց, որ 17 տարի ԱՀ ներքին գործերի նախարարությունում է աշխատել, խնդրեց հարևանի դիմում-բողոքը, քննիչը ցույց չտվեց, հավանաբար չկար, որի հետևանքով զրույցը վերածվեց վեճի։ Ես ներս մտա հյուրասենյակ և նրան ասացի, որ հանգիստ նստի, հիմա ՀՀ ներքին գործերի նախարարություն – Ministry of Internal Affairs of Armenia _ից և Քննչական կոմիտեից կճշտեմ, թե ինքն ո՞վ է, ի՞նչ նպատակով է մեզ անհանգստացնում։ «Խիզախ» քննիչը` Սմբատ «Բագրատունին», արագ հավաքեց թղթերը, և մինչև ես հեռախոսս վերցնեմ ու զանգեմ ուժային կառույցի պատասխանատուներին, փախավ, գավառական քննիչի վերջին ռեպլիկով` արա, էս ով են սրանք, փախաք։
Զանգում եմ ՀՀ Քննչական կոմիտեի մամուլի խոսնակ Kima Avdalyan -ին, օրիորդը չի բարեհաճում պատասխանել իմ զանգերին, երևի սուրճի ժամ է, ես էլ միամտաբար խախտում եմ նրա հոգու անդորրը, բայց որ հերոսի ընտանիքի անդորրն են խախտում` ապահովելու փոխարեն, դա իրենց գործելաոճի մեջ է։ Տիկին Ավդալյան, դուք էթիկայի կանոնագիրք չունե՞ք, որ մեկ-մեկ ձեր աշխատակիցները կարդան և քաղսքացիների հետ զրույցի ընթացքում տարրական հաղորդակցման կուլտուրա ուբենան, դուք կանոնակարգ չունե՞ք, առանց տվյալ պաշտոնը հավաստող փաստաթղթի՞ եք ձեր աշխատակիցներին ուղարկում գործը քննելու։
Ինչու՞ եք այսքան ճղճիմ և փոքրոգի, ի՞նչ եք ուզում դրանով ապացուցել։ Alen Simonyan , Nikol Pashinyan / Նիկոլ Փաշինյան , եթե իմ գրառումը ձեզ խիստ մտահոգել է, կարող ենք հանդիպել և քննարկել, երկար զրուցել կռվողների և դասալիքների մասին, պատմեմ` քանի պատերազմ եմ տեսել, ինչպես եմ պայքարում ցավից չփոքրանալու և այն պատվով տանելու համար, պատմեմ` ինչքա՜ն շատ բան եք գողացել ինձնից, ինչքա՜ն թանկ մարդու եք տարել ինձնից, ես ուժեղ աղջիկ եմ, կդիմանամ, ամուր եմ, անհոգ եղեք…
Արցախցի լրագրող Հասմիկ Հակոբյան, որի ընտանիքը կորցրել է Հայրնեիքը, տունը, 44-օրյա պատերազմում՝ 18-ամյա որդուն
