«Արայիկ Հարությունյանի հրաժարականի հարցը նա ինքը քննարկել է մինչև Արցախի հանձնումը՝ երեք ամիս առաջ։
Ես միշտ կապի մեջ եմ եղել Արցախի հետ, նաև շրջափակման ժամանակ։ Նրա հրաժարակաը 3-րդ փորձն էր։ Արայիկ Հարությունյանն ասում էր՝ այլևս ազդեցություն չունեմ։ Բայց Բակո Սահակյանը նրան համոզում էր դա չանել։ 3-րդ անգամ նա հավաքեց բոլորին ու ասաց, որ վերջնական է որոշել՝ հրաժարական է տալու։ ՍամվելՇահրամանյանը միակը չէր։ Առնվազն 3 հոգու Արային Հարությունյանն անձամբ էր համոզում, որ ստանձնեն Արցախի նախագահի պարտականությունները»,- Արայիկ Հարությունյանին Սամվել Շահրամանյանով փոխելու ու իբր Շահրամանյանի ձեռքով Արցախն Ադրբեջանին հանձնելու, արցախցիների՝ Արցախը լքելու իշխանությունների շահարկումներին անդրադարձավ Ռոբերտ Քոչարյանը։
Ռոբերտ Քոչարյանը հայտնեց, որ Նիկոլ Փաշինյանը քաջատեղյակ է եղել Արցախի իրավիճակին։
Հայտնի է, որ իշխանությունները շահարկում են, «երեսով են տալիս», թե իբր ընդդիմությունը՝ իդեմս ՍամվելՇահրամանյանի, ստորագերց ու հանձնեց Արցախը, այնինչ շրջափակված Արցախում տեղի է ունեցել վերը նշված իրողությունը՝ Արայիկ Հարությունյանը 3 անգամ ինքնակամ հրաժարական է տվել։
Նա ընդգծեց, որ Արայիկ Հարությունյանի հրաժարականի ժամանակ ինքը հեռախոսազրույցներ է ունեցել և Բակո Սահակյանն ու Արկադի Ղուկասյանն իրեն պատմել են որոշ բաներ. «Ասում էին, որ այդ ամենը Արայիկ Հարությունյանն ասել է նաեւ Նիկոլ Փաշինյանին: Բազմաթիվ հեռախոսազրույցներ են եղել Նիկոլ Փաշինյանի հետ և վերջինս շատ լավ գիտեր՝ ինչ է կատարվում Ղարաբաղում:
Ինձ ասում էին՝ ինչո՞ւ եմ ես շնորհավորել Սամվել Շահրամանյանին: Ես Սամվել Շահրամանյանին ընդհանրապես չէի ճանաչում: Ինձ խնդրել են իմ ընկերները Ղարաբաղում, որ այս մարդը համաձայնել է այս ծանր իրավիճակում պարտավորությունը ստանձնել, դրել է իր ուսերի վրա, ինձ խնդրել են, որ անպայման շնորհավորեմ, աջակցություն ցուցաբերեմ, միգքուցե ինչ-որ մի քիչ դա օգնի ավելի ինքնավստահ այդ ֆունկցիան կատարելու համար: Այսօր շահարկել այդ ամենը, ուղղակի անբարոյականություն է»,- հայտարարեց երկրորդ նախագահը:
