Թրամփը մեկ ամսով մեքսիկական ապրանքների 25 տոկոս մաքսատուրքը հանել է
Միացյալ Նահանգները մեկ ամսով կասեցրել է մեքսիկական ապրանքների 25 տոկոս մաքսատուրքերը. ԱՄՆ նախագահ Դոնալդ Թրամփի հետ հեռախոսազրույցից հետո հայտարարել է Մեքսիկայի նախագահ Կլաուդիա Շայնբաումը։
«Այս պահի դրությամբ Միացյալ Նահանգների կողմից սահմանված մաքսատուրքերը կասեցված են մեկ ամսով»,- նշել է Շեյնբաումը։
Մեքսիկայի նախագահը նաև նշել է, որ կողմերը պայմանավորվածություն են ձեռք բերել նաև անվտանգության և առևտրի վերաբերյալ։ Մեքսիկան անմիջապես 10,000 Ազգային գվարդիայի զինծառայող կտեղակայի ԱՄՆ-ի սահման՝ թմրանյութերի մաքսանենգությունը դադարեցնելու համար:
