Տեսանյութեր. Աջափնյակի դատարանի շուրջբոլորը փողոցները փակ են՝ հաջակցություն Ղարիբ Բաբայանի

Աջափնյակի դատարանում դռնփակ նիստով որոշվելու է Հանրապետությն հրապարակում ադրբեջաներեն «Ղարաբաղ» երգած օտարերկրացիների տեսանյութը տարածած արցախցի 70-ամյա գիտնական Ղարիբ Բաբայանին կալանավորելու միջնորդությունը բավարարել-չբավարարելու հարցը։

Աջափնյակի դատարանի դիմաց արդեն մի քանի ժամ է հավաքվել են փաստաբաններ, ընդդիմադիր գործիչներ, Ղարիբ Բաբայանին սատարող մարդիկ։

Ավտոմեքենաները փակել են Հյուսիս-հարավ մայրուղին, վարարոդներն ազդանշաններով իրենց ցասում են հայտնում՝ ընդդեմ իբր ադրբեջանցիների նկատմամբ ատելություն հրահրելու փորձը կանխող դատաիրավական համակարգի։

Հիշեցնենք, որ 5 դատապաշտպաններ հանդես են եկել հայտարարությամբ. «Ղարիբ Բաբայանին ձերբակալելու և կալանքի տանելու որոշում կայացնողը լուսահոգի Արմեն Գրիգորյանին մահաբեր կալանքի տարած քննիչ Գարիկ Մարկոսյանն է։ Այս անբարո գործը կարող էր ստանձնել միայն սույն անձնավորությունը։

Քաղաքական ուժերին, քաղաքացիական հասարակության ներկայացուցուցիչներին, հանրային գործիչներին կոչ ենք անում այս փաստի առթիվ հրատապ և հրապարակավ արտահայտել հստակ դիրքորոշում»։

Մոտավորապես ժամը 2։00-ին դատարանը կհրապարակի վճիռը՝ կալանավորվելո՞ւ է Ղարիբ Բաբայանը։